حیدرآباد: محکمہ موسمیات نے کہا ہے کہ آئندہ 24گھنٹوں کے دوران تلنگانہ کے عادل آباد،نرمل،کومرم بھیم آصف آباد، منچریال ،نظام آباد،جگتیال، پداپلی، کریم نگر ،راجنا سرسلہ،جئے شنکر بھوپال پلی،ورنگل اربن،بھدرادری کوتہ گوڑم،محبوب آباد، ملگ، نلگنڈہ، سوریہ پیٹ اور کھمم کے بعض مقامات پر شدید بارش کا امکان ہے ۔اپنے بلیٹن میں محکمہ نے کہا کہ آئندہ 24گھنٹوں کے دوران تلنگانہ اور شمالی ساحلی اے پی کے ساتھ یانم میں شدید بارش ہوگی۔آئندہ 48گھنٹوں میں تلنگانہ،رائلسیما میں گرج وچمک کے ساتھ بارش کا امکان ہے ۔ساتھ ہی جنوبی ساحلی اے پی،شمالی ساحلی اے پی اوریانم میں بارش کا امکان ہے ۔ مانسون ساحلی اے پی میں سرگرم،تلنگانہ اوررائلسیما میں معمول کے مطابق ہے ۔
