حیدرآباد۔6 اگست (یو این آئی) تلگو ریاستوں میں ہلچل مچانے والے بیٹنگ ایپس پروموشن کیس میں انفورسمنٹ ڈائریکٹوریٹ (ای ڈی) کی تحقیقات تیزی سے جاری ہیں۔ اس کیس میں پہلے ہی کئی افراد سے پوچھ تاچھ کی جا چکی ہے اور اب ای ڈی نے اداکار وجے دیورکونڈا کو طلب کیا ۔ نوٹس کے مطابق وجے دیورکونڈا چہارشنبہ کے روز ای ڈی کے سامنے پیش ہوئے جہاں ان سے بیٹنگ ایپس کی تشہیر کے سلسلے میں مبینہ منی لانڈرنگ کے پہلو پر سوالات کیے گیے ۔ ذرائع کے مطابق، ای ڈی حکام ان سے یہ بھی جانچ کر رہے ہیں کہ ان پروموشن کے عوض انہیں کتنی فیس اور کمیشن موصول ہوئے ۔ اسی کیس میں اداکار دگوباتی رانا کو 11 اگست اور اداکارہ منچو لکشمی کو 13 اگست کو ای ڈی کے سامنے پیش ہونے کے لیے نوٹس جاری کیے گئے ہیں۔
