ممبئی، 5 نومبر (یو این آئی) چہارشنبہ کی صبح تھانے -بیلاپور روڈ پر ریلائنس اسپتال کے قریب ایک بس حادثے کا شکار ہوگئی جس کے نتیجے میں متعدد مسافر زخمی ہوئے ۔ حکام کے مطابق زخمیوں کو فوری طور پر نزدیکی اسپتال منتقل کر دیا گیا جہاں ان کا علاج جاری ہے ۔ یہ بس کوپر کھیرانے سے پنڈھرپور کی طرف جارہی تھی۔ ابتدائی رپورٹ میں بتایا گیا ہے کہ سڑک کنارے کھڑی بس کے اگلے حصے ، خصوصاً بمپر کو نقصان پہنچا، جب کہ گاڑی کے اطرافی حصے بڑی حد تک محفوظ رہے ۔ زخمی مسافروں کی صحیح تعداد کی باضابطہ توثیق ابھی باقی ہے ۔ حادثہ کی اطلاع ملتے ہی پولیس اور مقامی حکام موقع پر پہنچ گئے اور ٹریفک کنٹرول بچاؤ کارروائیوں میں مدد فراہم کی گئی۔ واقعہ کی وجہ معلوم کرنے کیلئے تفصیلی تحقیقات جاری ہیں۔
