نئی دہلی۔ اے جے کے ماس کمیونی کیشن رسرچ سنٹر (اے جے کے ایم سی آرسی)،جامعہ ملیہ اسلامیہ (جے ایم آئی)کے طلبا عمل دیواسیا، دانش قاضی،جمشید علی، کاشف شکیل اور پنکج راوت کی ہدایت کاری میں بنی فلم ڈھائی پہر کو میں طلبا کے زمرے میں نمایاں کامیابی ایوارڈ سے نوازا گیا۔یہ اطلاع یہاں جاری ایک پریس ریلیز میں دی گئی۔ خیال رہے کہ یہ فلم90 کی دہائی کے پنجاب میں رونما ہونے والے مختلف واقعات پر مبنی ہے ۔فلم کورونا وبا کے ایسے دور میں بنائی گئی تھی جب آؤٹ ڈور مقامات تک رسائی صفر تھی اور عکس بندی کے مقصد سے پنجاب کو دہلی اور اس کے اطراف میں ہی وجود میں لانا پڑا تھا۔
