سری نگر: جموں وکشمیر میں اتوار کی صبح زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے ۔ریکٹر اسکیل پر زلزلے کی شدت 4.1 ریکارڈ ہوئی ہے جبکہ اس کی زیر زمین گہرائی پانچ کلو میٹر تھی۔زلزلے کے متعلق یہ جانکاری نیشنل سینٹر فار سیسمالوجی نے اپنے ٹویٹر ہینڈل پر ایک ٹویٹ کے ذریعے فراہم کی۔ٹویٹ میں کہا گیا: ‘جموں و کشمیر میں اتوار کی صبح پانچ بجکر پانچ منٹ پر زلزلے کے ہلکے جھٹکے محسوس کئے گئے جس کی ریکٹر اسکیل پر شدت 4.1 ریکارڈ ہوئی ہے جبکہ اس کی زیر زمین گہرائی پانچ کلو میٹر تھی’۔بتادیں کہ جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے ۔