جموں و کشمیر کے سابق وزیر اعلیٰ اور حال ہی میں کانگریس چھوڑنے والے سینئر رہنما غلام نبی آزاد نے آج جموں کی سینک کالونی میں ایک جلسہ عام سے خطاب کیا۔ اپنے حامیوں سے خطاب کرتے ہوئے انہوں نے کہا کہ وہ جموں و کشمیر کے لوگوں کے ساتھ کھڑے ہیں۔ ریاست کے 73 سالہ بزرگ رہنما آزاد آج اپنی نئی سیاسی پارٹی کے قیام اور نام کا اعلان کرنے کا امکان ہے۔ انہوں نے اپنی پارٹی کے قیام کی بات کی لیکن اس کے نام کا اعلان نہیں کیا آزاد نے کہا کہ میں نے ابھی تک اپنی پارٹی کے نام کا فیصلہ نہیں کیا ہے۔ جموں و کشمیر کے عوام پارٹی کے نام اور جھنڈے کا فیصلہ کریں گے۔ میں اپنی پارٹی کو ایک ہندوستانی نام دوں گا جسے سب سمجھ سکیں۔ میری پارٹی مکمل ریاست کی بحالی، زمین کے حق اور مقامی لوگوں کو روزگار دینے پر توجہ دے گی آزاد نے گزشتہ ہفتے کہا تھا کہ وہ جلد ہی ایک نئی پارٹی شروع کریں گے۔ انہوں نے کہا تھا کہ پارٹی کی پہلی اکائی جموں و کشمیر میں بنائی جائے گی، جہاں انتخابات ہونے ہیں۔
