سیول،9مارچ (سیاست ڈاٹ کام) جنوبی کوریا میں پیر کو کورونا وائرس (کووڈ-19)کے نئے معاملوں کی تصدیق ہوئی جس سے اس میں مبتلا لوگوں کی تعداد بڑھکر 7382ہوگئی۔پچھلے 24گھنٹوں میں کورونا وائرس کے انفیکشن سے ایک اور شخص کی موت ہونے کے ساتھ ہی ہلاک شدگان کی تعداد بڑھکر 51ہوگئی۔کوریا امراض کے کنٹرول اور روک تھام کے مرکز (کے سی ڈی سی)کے مقامی وقت کے مطابق دن میں دو بار صبح 10بجے اور شام پانچ بجے تازہ ترین اعدادو شمار مہیاکراتا ہے ۔اس وائرس سے متاثر 36مریضوں کو اسپتال سے علاج کے بعد چھٹی دے دی گئی۔جس سے ان کی کل تعداد 166ہوگئی ہے ۔جنوبی کوریا میں پچھلے 19دن میں کورونا وائرس کے معاملے بہت بڑھ گئے ہیں۔گزشتہ 19فروری سے آتھ مارچ تک 7351معاملے سامنے آئے ہیں۔جنوبی کوریا نے وائرس کے خطرے کے پیش نظر ریڈ الرٹ جاری کررکھاہے ۔سیول سے 300کلومیٹر دور دائگو شہر اور اس کے پاس کے جایونگ سینگ صوبے میں مریضوں کی تعداد بڑھکر تقریباً 5571اور 1107ہوگئی ہے ۔جنوبی کوریا میں کورونا وائرس کے سب سے زیادہ معاملے دائگو میں سامنے آئے ہیں اس لئے حکومت نے اسے اسپیشل کیئر زون قرار دے دیا ہے ۔
