واشنگٹن۔امریکہ کے صدارتی انتخابات میں جیت کس کا مقدر بنے گی یہ تو واضح نہیں مگر ڈیموکریٹ صدارتی امیدوار جو بائیڈن نے انتخابی مہم کیلئے مسلسل دوسرے ماہ میں صدر ٹرمپ کے مقابلے میں زیادہ فنڈز جمع کر لئے ہیں۔جوبائیڈن اورڈیموکریٹک پارٹی نے ٹرمپ اور ری پبلکنس کے مقابلہ میں پھر زیادہ فنڈز جمع کرلئے ، ڈیموکریٹ صدارتی امیدوار جوبائیڈن اور ڈیموکریٹس نے جون میں141ملین ڈالرجمع کئے ہیں۔جوبائیڈن کو68فیصد فنڈز ایسے افراد نے دیئے جنہوں نے پہلے کبھی فنڈنگ نہیں کی تھی۔دوبارہ صدارت کے امیدوار ٹرمپ اوران کی ری پبلکنزپارٹی 131ملین ڈالرجمع کر پائی، بائیڈن اورڈیموکریٹس نے ٹرمپ اور ری پبلکنز کے مقابلہ میں مئی میں بھی زیادہ فنڈجمع کئے تھے ۔جو بائیڈن اورڈیموکریٹس نے مئی میں 81ملین جبکہ ٹرمپ اور ریپبلکنز نے 71 ملین ڈالرجمع کیے تھے ۔جوبائیڈن کواگست میں ڈیموکریٹ ورچوئل کنونشن میں باضابطہ طورپر صدارتی امیدوار نامزد کیا جائے گا۔
