حیدرآباد 3اگست (یواین آئی) جورالا پراجیکٹ میں کافی مقدار میں پانی داخل ہو رہا ہے ۔ ہفتہ کی رات 7:30 بجے تک پانی کا بہاؤ 2.15 لاکھ کیوسیکس سے 2.20 لاکھ کیوسیکس تک پہنچ گیا۔پانی کے دباؤ کو دیکھتے ہوئے 17 دروازے کھول دیے گئے ہیں اور 1,68,674 کیوسیکس پانی چھوڑا جا رہا ہے ۔ مختلف مقامات کی ضروریات کیلیے پانی کی تقسیم کی جا رہی ہے : بجلی پیداوار کیلئے 24,855 کیوسیکس،کوئل ساگر کیلئے 315 کیوسیکس، نیٹم پاڈو کیلئے 750 کیوسیکس، بائیں نہر کیلئے 1,250 کیوسیکس، دائیں نہر کیلئے 650 کیوسیکس، بیمہ لفٹ-2 کیلئے 750 کیوسیکس۔ جملہ 1,97,138 کیوسیکس پانی خارج کیا جا رہا ہے ۔
