نئی دہلی : جنتا دل یونائیٹڈ (جے ڈی یو) کے سابق صدر اور سابق مرکزی وزیر رام چندر پرساد سنگھ جمعرات کو یہاں بھارتیہ جنتا پارٹی (بی جے پی) کا دامن تھام لیا اور بہار کے وزیر اعلی نتیش کمار پر نشانہ لگاتے ہوئے کہا کہ بہار میں کمار کا اب کچھ نہیں بچے گا، وہ پلٹی مار تھے ، ہیں اوررہیں گے ۔بی جے پی کے مرکزی دفتر میں مرکزی وزیر تعلیم دھرمیندر پردھان، بی جے پی کے جنرل سکریٹری ارون سنگھ، پارٹی کے نیشنل میڈیا انچارج انیل بلونی اور کو-میڈیا انچارج سنجے میوکھ نے آر سی پی سنگھ کا بی جے پی میں خیرمقدم کیا۔اس موقع پر مسٹر پردھان نے کہا کہ سنگھ ہمیشہ جے ڈی یو میں بنیادی اقدار کے پابند رہے ۔ کسانوں، پسماندہ اور انتہائی پسماندہ کے مسائل پر آواز بلند کرتے رہے ۔ جے ڈی یو کی سیاسی تنظیم کو مضبوط بنانے میں اہم کردار ادا کیا۔ انہوں نے جے ڈی یو کے صدر کے طور پر کئی دنوں تک اپنے تجربے سے بی جے پی کے ساتھ سیاسی اتحاد کو آسانی سے آگے بڑھایا لیکن نتیش کمار پیچھے سے گھات لگاتے رہے ۔بی جے پی میں شامل ہونے پر فخر کا اظہار کرتے ہوئے آر سی پی سنگھ نے وزیر اعظم نریندر مودی، بی جے پی صدر جگت پرکاش نڈا، وزیر داخلہ امت شاہ اور پردھان کا شکریہ ادا کیا۔
