غزہ : غزہ پر اسرائیلی جارحیت کے ردعمل میں فلسطینی مزاحمتی تنظیم حماس کے جنگجوؤں کے جوابی حملے میں تین اسرائیلی فوجی ہلاک ہو گئے۔اسرائیلی میڈیا کے مطابق اسرائیلی فوج نے کریم شالوم کے علاقے میں حماس کے راکٹ حملے میں تین فوجی مارے جانے کی تصدیق کر دی ہے۔حماس کے راکٹ حملے میں مارے جانے والوں میں گیواتی بریگیڈ کا سارجنٹ ریوین مارک مورڈیچائی اسولن اور سارجنٹ آئیڈو ٹیسٹا شامل ہیں۔حماس کے جنگجوؤں کی حملے میں ہلاک ہونے والے تیسری اسرائیلی فوجی سارجنٹ تل شویت کا تعلق اسرائیلی فوج کی نہال بریگیڈ سے تھا۔اسرائیلی فوج نے جوابی کاروائی کرتے ہوئے کئی فلسطینیوں کو شہید کردیا۔حماس کے عسکری گروپ نے اتوار کو کریم شالوم کی گزرگاہ پر حملے کی ذمہ داری قبول کی ہے جس سے اسرائیلی حکام کے مطابق تین فوجیوں کی ہلاکت ہوئی۔اسرائیل فوج کے مطابق رفح سے اسرائیل کی جانب 10 پروجیکٹائلز داغے گئے۔
