اپوزیشن سماج وادی پارٹی کے صدر اکھیلیش یادو کا یوپی حکومت پر الزام
لکھنؤ: سماجوادی پارٹی (ایس پی) صدر اکھیلیش یادو نے کہا کہ بھارتیہ جنتا پارٹی (بی جے پی) حکومت کے بڑبول خود بڑھتے کورونا بحران کا سبب ہے ۔ ریاست کے عوام علاج،دوا اور آکسیجن کے لئے در در بھٹک رہے ہیں مگر بی جے پی حکومت غلط تشہیر اور اشتہاروں کے سہارے سبھی کو بھٹکانے کا کام کررہی ہے ۔ یادو نے منگل کو جاری بیان میں کہا کہ سماجوادی بحران کے اس دور میں عوام کے ساتھ ہیں،آگے بھی رہیں گے ۔ لیکن جہاں حکومت کی کمی ہوگی اسے اجاگر کرنا بھی پارٹی کا اخلاقی اور سماجی فرض ہے ۔جمہوریت میں اپوزیشن پارٹی کی آرتی اتارنے کے لئے نہیں ہے ۔بی جے پی نے چار سال میں عوام کے مفاد میں ایک بھی قابل ذکر ترقیاتی کام نہیں کیا ہے ۔ سیفئی سے گورکھ پور تک میڈیکل کے شعبہ میں جو بھی کام ہوئے وہ سبھی سماجوادی حکومت کے دور اقتدار میں ہوئے ۔انہوں نے کہا کہ بی جے پی حکومت نے میڈیکل خدمات پر توجہ نہ دے کر انہیں برباد کیا ہے ۔ انفیکشن کے دوسرے حملے کے زیادہ خطرناک ہونے کی ماہرین کی وارننگ کے باوجود حالات سنبھالنے کی کوشش نہیں کی گئی۔ گورکھپور اور رائے بریلی میں ایمس سماجوادی حکومت کی ہی دین ہے ۔ بی جے پی حکومت انہیں ٹھیک سے شروع بھی نہیں کرپائی۔ بھرتی نہ ہونے سے ڈاکٹروں میں اور پیرا میڈیکل اسٹاف کی بھاری کمی ہے ۔ بی جے پی حکومت کو اپنی کرنی پر شرم نہیں آتی ہے ۔ یادو نے کہا کہ انتخابی مہم چلانے والے وزیراعلیٰ کی کھوکھلی یقین دہانیوں سے تڑپ تڑپ کر ہورہی اموات کو چھپایا نہیں جاسکتا۔ بیٹا آگرہ میں اپنے والد کو لے کر دوڑتا رہا ، علاج نہیں ملا۔ کانپور میں ، ڈیڑھ گھنٹہ تک وہ لاشیں کارٹ پر پڑی رہیں۔ گورکھپور میں سڑک پر مریض کی موت۔ کانپور کے ایک ہاسپٹل میں آکسیجن ختم ، 2 ہلاک آگرہ کے ایک ہاسپٹل میں ، یہ کہا جارہا ہے کہ پہلے 5 سلنڈر لائیں تب ہی ہم آپ کو داخل کریں گے ۔ وینٹیلیٹر ، بھاپ مشینیں ، آکسیجن سبھی بلیک مارکیٹ میں چل رہے ہیں۔ حکومت اس پر قابو پانے میں ناکام رہی ہے ۔انہوں نے کہا کہ ریاست میں بحران اس لئے بھی ہے کہ وزیر اعلی کی ٹیم الیون بھی کسی کام کی ثابت نہیں ہورہی ہے ۔ اس کے سارے سسٹم بیکار ہوچکے ہیں۔ ہاسپٹل اور گھر میں مریضوں کی کوئی دیکھ بھال نہیں ہے ۔ اس طرح کے پریشان حال لوگوں کی زندگیوں کے ساتھ کھلواڑ کرنا غیرانسانی ہونے کی تمام حدیں پار کر گیا ہے ۔