تہران ۔ ایران کے فٹبالر رامین رضائیان کو خاتون مداح کو گلے لگانے کی ویڈیو سامنے آنے کے بعد فٹبال حکام نے انہیں پوچھ گچھ کے لیے طلب کرلیا۔ سوشل میڈیا پر ایک ویڈیو سامنے آئی تھی جس میں 34 سالہ رامین رضائین کو خاتون مداح کو گلے لگاتے ہوئے دیکھا گیا تھا۔ رپورٹس کے مطابق ایرانی فٹبالر نے ایک میچ کے بعد ٹیم کی بس کے سامنے خاتون مداح کو گلے لگایا تھا۔ایرانی فٹبالر کو اب کمیٹی کے سامنے پیش ہوکر تمام واقعے کی تفصیلات بتانا ہوں گی۔
