ابوظہبی: متحدہ عرب امارات (یو اے ای) نے خانگی ڈرونز اور چھوٹے طیاروں پر ایک ماہ کی پابندی عائد کردی۔ غیر ملکی خبرایجنسی کے مطابق گذشتہ دنوں ابوظبی میں حوثی باغیوں کے ڈرون حملوں کے بعد پابندی کا فیصلہ کیا گیا ہے۔اماراتی وزارت داخلہ سے جاری بیان کے مطابق تفریحی مقاصدکے لیے استعمال ہونے والے خانگی ڈرونز اور چھوٹے طیاروں کو گراؤنڈ کر دیا گیا ہے، خانگی ڈرونز اور چھوٹے طیاروں پر پابندی کا نفاذ ایک ماہ کے لیے ہوگا۔خیال رہے کہ متحدہ عرب امارات کی ریاست ابوظبی میں گذشتہ پیر کو یمن کے حوثی باغیوں نے ڈرون حملے کیے تھے جن میں تین افراد ہلاک اور متعدد زخمی ہوئے تھے۔
