نارائن پیٹ میں اندرا مہیلا شکتی پروگرام، رکن اسمبلی پرنیکا ریڈی کا خطاب
نارائن پیٹ۔ 18 جولائی ( سیاست ڈسٹرکٹ نیوز) نارائن پیٹ رکن اسمبلی ڈاکٹر چٹیم پرنیکا ریڈی نے کہا کہ تلنگانہ حکومت خواتین کیلئے اعلیٰ ترجیحات کے ساتھ سرکاری اسکیمات پر عمل آوری کی کوشش کررہی ہے۔ نارائن پیٹ میں اندرا مہیلا شکتی تقاریب کا آج رکن اسمبلی کی صدارت میں انعقاد عمل میں لایا گیا تھا۔ اس موقع پر خواتین سے خطاب کرتے ہوئے انہوں نے کہا کہ چیف منسٹر خواتین کیلئے محکمہ آر ٹی سی ،پیٹرول اسٹیشن اور دیگر کئی صنعتیں قائم کررہے ہیں۔ انہوں نے کہا کہ خواتین کیلئے بسیں خرید کر انہیں بسوں کا مالک بنا دیا گیا ہے۔ انہوں نے کہا کہ آر ٹی سی کو بس کا کرایہ 50 ہزار ماہانہ اور 19650 کا سود 85 ماہ میں 69,650 وصول ہورہاہے۔ ملک میں پہلی بار پیٹرول اسٹیشن خواتین چلا رہی ہیں۔ اس کی قیمت 1.30 کروڑ روپے ہے۔ مارکیٹ چیرمین سداشیواریڈی ڈائرکٹر شرنپا ڈی آر ڈی او موگلپا آر ڈی او رامچندر سرپ حیدرآباد کاشی وشویشور راؤ ڈی پی ایم جیانا مسنا گووندو اے پی ایم ویمنس اسوسی ایشن کی صدر اروندھتی سکریٹری سجتا خزانچی انجما کے ارکان نے اس پروگرام میں حصہ لیا۔
حکومت نے ضلع کی خواتین کی انجمن کی پانچ کروڑ کی عمارت کو منظوری دی ہے اور بیسمنٹ لیول نومبر تک مکمل کر کے افتتاح کیا جانا چاہیے۔ انہوں نے کہا کہ موجودہ حکومت نے ضلع کو 8.38 کروڑ روپے کا سود معاف کر دیا ہے اور اسے سیلف ہیلپ گروپس کے بنک کھاتوں میں جمع کرایا ہے حالانکہ بنک سے لئے گئے قرضے صحیح طریقے سے نہیں ملے تھے۔ انہوں نے کہا کہ ضلع میں 8.38 کروڑ روپے کا سود معاف کر دیا گیا ہے اور لوگوں کی مدد کی گئی ہے۔ انہوں نے کہا کہ حکومت نے ایک موبائل فش آؤٹ لیٹ کے ذریعے خواتین کو کاروباری بنانے کا فیصلہ کیا ہے۔ انہوں نے کہا کہ یہ فی الحال کوئلاکونڈہ میں ہے اور دیگر منڈلوں میں بھی قائم کیا جائے گا۔ انہوں نے کہا کہ ان کا ہدف کسانوں کے لیے اناج ذخیرہ کرنے اور دیگر پروگراموں کے لیے گوداموں کی تعمیر کے ذریعے ایک کروڑ لوگوں کو کروڑ پتی بنانا ہے۔
