علامہ محمد قمرالدین گورکھپوری و مولانا محمد حذیفہ وستانوی مہمانان خصوصی
حیدرآباد 24 فروری (پریس نوٹ) مفتی محمد جمال الرحمن صدر مدرس جامعہ کی اطلاع کے بموجب جامعہ اسلامیہ دارالعلوم حیدرآباد میں جلسہ تکمیل حفظ قرآن مجید و درس ختم بخاری شریف 26 فروری احاطہ جامعہ بوقت 9.30 بجے دن زیرصدارت مولانا محمد حسام الدین ثانی جعفر پاشاہ مہتمم جامعہ اور زیرنگرانی مفتی محمد عظیم الدین جنید انصاری ناظم جامعہ منعقد ہوگا۔ محدث جلیل مولانا محمد قمرالدین گورکھپوری شیخ الحدیث دارالعلوم دیوبند بخاری شریف کی آخری حدیث کا درس دیں گے۔ مولانا شاہ محمد جمال الرحمن مفتاحی صدر دینی مدارس بورڈ تلنگانہ و آندھرا حفظ قرآن مجید کی تکمیل کرائیں گے۔ مولانا خالد سیف اللہ رحمانی جنرل سکریٹری آل انڈیا مسلم پرسنل لاء بورڈ، جناب بیرسٹر اسدالدین اویسی ایم پی، مولانا محمد حذیفہ وستانوی نائب ناظم جامعہ اشاعت العلوم اکل کوا اور جناب منور زماں بین الاقوامی محرک ٹرینر انگلش ہاؤس اکیڈیمی حیدرآباد کے علاوہ مقامی علماء کرام کے خطابات ہوں گے۔ اس موقع پر حفظ قرآن مجید کی تکمیل کرنے والے طلبہ اور مختلف شعبوں سے سند فراغت حاصل کرنے والے فضلاء کی دستاربندی ہوگی۔
