دبئی : امارت دبئی نے پلاسٹک تھیلے استعمال کرنے والوں پراب فیس (جرمانہ) عائدکرنے کا اعلان کیا ہے اور کہا ہیکہ ماحولیاتی خدشات کے پیش نظردبئی میں ان کا استعمال دوسال میں بالکل غیرقانونی قرار دیدیا جائے گا۔حکومت کے زیرِانتظام دبئی میڈیا دفتر نے ایک بیان میں کہا ہے کہ پلاسٹک تھیلے کے استعمال پر25 فل (6 سینٹ) جرمانے کا نفاذ یکم جولائی سے شروع ہوگا۔حکومت نے کہا ہیکہ پائیداری اب عالمی سطح پر ایک ناگزیرامربن چکی ہے۔اس کو معاشرے کے طرزِعمل کو اس طرح تبدیل کرکے تقویت دی جاسکتی ہے کہ جس سے افراد کے ماحولیاتی اثرات کوکم سے کم کیا جاسکے۔حکومت نے کہا کہ پلاسٹک تھیلوں کے استعمال پر پابندی ضروری ہے کیونکہ امارت میں اونٹ اور کچھوے دونوں پلاسٹک کھانے سے مرچکے ہیں۔
