دمشق : شام کے دارالحکومت دمشق کے ہوائی اڈہ کی طرف جانے والی شاہراہ سے تقریباً 100 افراد کی باقیات ملی ہیں۔ بعث حکومت کے خاتمہ کے بعد ملک میں چھان بین اور اسکریننگ کی سرگرمیاں جاری ہیں۔ تقریباً 100 افراد کی باقیات دمشق ایئرپورٹ کے قریب سے برآمد ہوئی ہیں۔ کچھ باقیات تھیلوں میں اور کچھ سڑک پر پائی گئیں۔ باڈی بیگز پر فارسی میں تحریروں کا مشاہدہ ہوا ہے ۔ نعشیں برآمد ہونے کے بعد تحقیقات شروع کر دی گئی ہیں۔ خیال کیا جارہا ہے کہ یہ باقیات ان لوگوں کی ہوسکتی ہے جو شام پر اسرائیل کے فضائی حملوں میں ہلاک ہوئے ہیں اور جنہیں دفنایا نہیں گیا اور ان کی نعشیں وہیں پڑے پڑے سڑ گئیں۔
