اقوام متحدہ ۔5 مارچ (سیاست ڈاٹ کام) اقوام متحدہ کے ادارے یو این ڈی پی کا کہنا ہے کہ دنیا میں 90% لوگ خواتین کے خلاف تعصب رکھتے ہیں اور پچاس فیصد کے خیال میں عورتوں کی نسبت مرد بہتر لیڈر ثابت ہوتے ہیں۔ ادارے کے ایک تازہ مطالعہ کے مطابق تقریباً 30% لوگ آج بھی یہ سمجھتے ہیں کہ شوہر کی طرف سے بیوی کو زدوکوب کیا جانا جائز ہے۔ یو این ڈی پی نے یہ اعداد و شمار دنیا کے 75 ممالک سے اکھٹے کیے ہیں۔ صنفی مساوات میں جو ممالک سب سے زیادہ پیچھے رہ گئے ہیں ان میں اردن، قطر نائیجیریا، زمبابوے اور پاکستان شامل ہیں۔