سڈنی ۔ آسٹریلوی کپتان پیٹ کمنز دورہ سری لنکا سے رخصت لیں گے، انہوں نے آرام کرنے کا اشارہ دیا ہے۔ میڈیا رپورٹس کے مطابق پیٹ کمنز اولادکے ولادت کے باعث بھی سری لنکا نہیں جائیں گے جبکہ ان کی غیر موجودگی میں اسٹیو اسمتھ ٹیم کی قیادت کریں گے۔ دورہ سری لنکا کی تیاری کے لیے آسٹریلیا کرکٹ ٹیم ایک ہفتہ دبئی میں ٹریننگ کرے گی، آسٹریلیا اسکواڈ کا اعلان رواں ہفتے کیا جائے گا۔ آسٹریلیا کے ورلڈ ٹیسٹ چمپئن شپ کے آخری 2 ٹسٹ میچز ہیں، آسٹریلیا ورلڈ ٹسٹ چمپئن شپ کے فائنل میں پہلے ہی پہنچ چکا ہے۔آسٹریلیا اور سری لنکا کے درمیان ٹیسٹ سیریزگال میں ہوگی، دونوں ٹیموں کا پہلا ٹسٹ 29 جنوری کو شروع ہو گا۔
