بعض افراد کی کونسلنگ ‘ 8 افراد کو دو دن جیل کی سزا
حیدرآباد ۔ /28 فبروری (سیاست نیوز) حیدرآباد پولیس کی شی ٹیم کو جاریہ سال جنوری تا فبروری /28 جملہ 216 شکایتیں موصول ہوئی ہیں ۔ ایڈیشنل کمشنر پولیس کرائم اینڈ ایس آئی ٹی شریمتی شکھاگوئل نے کہا کہ 216 درخواستوں میں 118 شکایتیں راست موصول ہوئی ہیں جبکہ 75 شکایتیں واٹس اپ ، ای میل کے ذریعہ 12 ، رنگے ہاتھوں پکڑے جانے والے 8 ، ہاک آئی کے ذریعہ 2 اور سوشیل میڈیا اور ڈائیل 100 کے ذریعہ تین شکایتیں موصول ہوئی ہیں ۔ انہوں نے کہا کہ 20 افر اد کو کونسلنگ کرکے چھوڑدیا گیا تھا جبکہ 12 افراد کے خلاف معمولی مقدمہ درج کیا گیا ۔ 8 افراد کو عدالت نے دو دن کی جیل کی سزاسنائی ۔ جن افراد کے خلاف شکایتیں موصول ہوئیں اور ان کی عمر 18 سال سے زائد ہے کی کونسلنگ کی گئی تھی ۔ شکھاگوئل نے کہا کہ دو ایسے مقدمات درج کئے گئے تھے جن میں خواتین سے چھیڑ چھاڑ پر آٹو ڈرائیور محمد فہیم کو چار دن کی سزاء سنائی گئی تھی جبکہ کیشو کمار کو جو ہوٹل کا ملازم تھا 5 دن کی سزاء سنائی گئی اور اس پر 500 روپئے جرمانہ عائد کیا گیا ۔
