نئی دہلی: نائب صدر جگدیپ دھنکڑ نے اونم پر ہم وطنوں کو مبارکباد دی ہے اور ہر ایک کی زندگی میں امن، خوشحالی اور خوشی کے لئے نیک خواہشات پیش کیں۔اونم کے موقع پر آج یہاں جاری ایک پیغام میں نائب صدر جمہوریہ نے کہا کہ راجہ مہابلی کی یاد میں منایا جاتا ہے ، اونم سچائی، ہمدردی اور قربانی کی اعلیٰ اقدار کی نشانی ہے ۔ یہ کھیتوں میں نئی فصلوں کی شکل میں فطرت کی سخاوت کا جشن منانے کا موقع بھی ہے ۔انہوں نے کہاکہ میں اونم کے پرمسرت موقع پر اپنے ملک کے لوگوں کو گرمجوشی سے مبارکباد اور نیک خواہشات پیش کرتا ہوں۔اونم کی روح ہر ایک کی زندگی میں امن، خوشحالی اور خوشی لائے ۔
سکما میں تین نکسلیوں نے کی خود سپردگی
سکما: چھتیس گڑھ کے سکمامیں ایک خاتون نکسلی سمیت تین نکسلیوں نے خود سپردگی کی۔پولیس ذرائع نے آج بتایا کہ کونٹا میں کل ایڈیشنل پولیس سپریٹنڈنٹ کے دفتر میں اے ایس پی گورو منڈل، ایس ڈی پی او گریج شنکر ساؤ، روہت شکلااور سی آر پی ایف 151کمپنی کے معاوین سجیت کمار سمن کے سامنے ایک خاتون نکسلی سمیت تین نکسلیوں نے خود سپردگی کی۔