نئی دہلی : دہلی کے نائب وزیر اعلی منیش سسودیا نے کہا ہے کہ دہلی میں سبھی کلاسوں کے لیے یکم نومبر سے اسکولوں کو کھولا جائے گا اور چھٹ پوجا کے انعقاد کی اجازت بھی دے دی گئی ہے ۔ مسٹر سسودیا نے ڈی ڈی ایم اے کی میٹنگ میں دہلی کے پرائیوٹ اور سرکاری اسکولوں کو تمام سکلاسوں کے لئے یکم نومبر سے کچھ شرائط کے ساتھ کھولنے کا فیصلہ لیا گیا ہے ۔ انہوں نے کہا کہ سکولوں کو آن لائن تعلیم کے انتظامات کو بھی یقینی بنانا ہو گا۔ کوئی بھی سکول بچوں کو زبردستی آنے پر مجبور نہیں کر سکتا۔ اسکول اس بات کو بھی یقینی بنائے گا کہ کلاس میں طلباء کی تعداد 50 فیصد سے زیادہ نہ ہو۔ انہوں نے کہا کہ کورونا وائرس یہاں کنٹرول میں ہے ، اس لیے اسکولوں کو کھولنے کے ساتھ ساتھ کورونارہنما خطوط پر عمل کرتے ہوئے چھٹ پوجا کی بھی اجازت دی جائے گی ۔