نئی دہلی:دہلی ہائی کورٹ نے جمعہ کو ایک عبوری حکم نامہ پاس کیا جس میں اداکار امیتابھ بچن کی آواز، تصویر، نام یا خصوصی خصوصیات وغیرہ کے کسی بھی غیر مجاز استعمال پر روک لگا دی گئی۔ عدالت کا یہ عبوری حکم امیتابھ بچن کی درخواست پر آیا جس میں الزام لگایا گیا تھا کہ ان کے “عوامی شخصیت ہونے کی وجہ سے تشہیر کے حق” کی خلاف ورزی کی جا رہی ہے اور ‘KBC لاٹری’ چلانے والوں سمیت متعدد افراد ملوث ہیں۔ بچن ایک مشہور رئیلٹی شو ‘کون بنے گا کروڑ پتی’ (KBC) کے ‘پریزینٹر’ ہیں۔ جسٹس نوین چاولہ نے کہا کہ اس میں کوئی شک نہیں کہ بچن ایک مقبول شخصیت ہیں اور اگر انہیں اس مرحلے پر ریلیف نہ دیا گیا تو انہیں ناقابل تلافی نقصان اور بدنامی کا سامنا کرنا پڑ سکتا ہے۔
