سچن پائلٹ کی برطرفی کے بعد دونوںجماعتوںکی سیاسی سرگرمیاں تیز، باغی ارکان اسمبلی کو چیف وہپ کی نوٹس
جئے پور۔راجستھان میں نائب وزیر اعلیٰ سچن پائلٹ سمیت تین وزرا کو ہٹانے کے بعد کانگریس نے آگے کی حکمت عملی شروع کردی ہے ، جبکہ بی جے پی بھی متحرک ہوگئی ہے ۔ پائلٹ کو ہٹائے جانے کے بعد ایک ہوٹل میں ٹھہرے ہوئے کانگریس کے ارکان اسمبلی الگ رکھنے کا سلسلہ آج بھی جاری ہے ۔ ارکان اسمبلی کے اتحاد پر نظر رکھی جارہی ہے ۔ پائلٹ کے حامیوں کی تعداد اور گہلوت کے حامیوں کی تعداد کے بارے میں بھی درست اعداد و شمار سامنے نہیں آئے ہیں۔ لیکن یہ خیال کیا جاتا ہے کہ گہلوت کے پاس اب بھی اکثریت ہے اور بی جے پی کے توڑ پھوڑ کا امکان بھی برقرار ہے ۔ پائلٹ کی برطرفی کے بعد گہلوت نے تنظیمی سطح پر حکمت عملی پر عمل درآمد کیا ہے اور پائلٹ کے حامیوں کی برطرفی کے ساتھ ایک نئی ریاستی ایگزیکٹو کی تشکیل پر کام شروع کردیا گیا ہے ۔ گہلوت کابینہ میں توسیع کے لئے حکمت عملی بھی تیار کررہے ہیں۔پائلٹ نے برطرفی کے بعد ابھی تک کی حکمت عملی کا انکشاف نہیں کیا ہے اور بی جے پی میں شمولیت کے معاملے پر ان کے حامی ایم ایل اے میں اختلاف رائے کی بات بھی سامنے آئی ہے ، اس کے باوجود بی جے پی متحرک ہوگئی ہے ۔دوسری جانب بی جے پی نے بھی آج ایک اہم میٹنگ طلب کی ہے ۔ اس میٹنگ میں قومی جنرل سکریٹری اوم پرکاش ماتھر، سابق وزیر اعلی وسندھرا راجے اور وی ستیش سمیت متعدد عہدیدار شرکت کریں گے ۔ میٹنگ میں ریاستی حکومت کے اقلیت میں آنے کے معاملے پر بھی غور کیا جائے گا۔بی جے پی لیڈروں نے کانگریس کے اراکین اسمبلی کو توڑنے کے وزیر اعلیٰ اشوک گہلوت کے الزام کی تردید کی۔دوسری طرف راجستھان قانون ساز اسمبلی کے اسپیکر ڈاکٹر سی پی جوشی نے نائب وزیراعلیٰ سچن پائلٹ کی حمایت کرنے والے تمام اراکین اسمبلی کو وہپ کی خلاف ورزی کرنے پر نوٹس جاری کیا ہے ۔
حکومت کے چیف وہپ مہیش جوشی نے اس معاملے میں اسپیکر ڈاکٹر جوشی کے سامنے ایک درخواست دائر کی۔ ڈاکٹر جوشی نے 19 ایم ایل اے کو وہپ کی خلاف ورزی کرنے پر نوٹس جاری کیا ہے ۔یہ خیال کیا جاتا ہے کہ کانگریس پارٹی نے یہ کارروائی باغی ایم ایل اے کو اپنے حق میں لینے کی حکمت عملی کے طور پر کی ہے تاکہ اس کے ایم ایل اے واپس آجائیں۔وہپ کی خلاف ورزی کے معاملے میں ایم ایل اے کی رکنیت جاسکتی ہے لیکن اس میں کئی قانونی داؤ پیچ بھی ہیں۔ باغی ایم ایل اے کسی بھی کارروائی کا ہاؤس کے باہر میٹنگ ہونے کے سبب وہپ نافذ نہ ہونے کے معاملے پر عدالت کا رخ کرسکتے ہیں۔دریں اثنا کانگریس کے سینئر لیڈر پارٹی کے ممبران اسمبلی سے ایک ہوٹل میں ٹھہر کر بات کرنے کے بعد آگے کی حکمت عملی بنارہے ہیں۔ رات گئے وزیر اعلی اشوک گہلوت نے ان ارکان اسمبلی سے بھی بات چیت کی۔پائلٹ کی حمایت کرنے والے ارکان اسمبلی کو بھی ریاست سے باہر ایک ہوٹل میں رکھا گیا ہے ۔ ان کی بی جے پی میں شمولیت کے معاملے پر کوئی اتفاق رائے نہیں ہے اور پارٹی کی تشکیل کے بارے میں کشمکش کی صورتحال بنی ہوئی ہے۔