نئی دہلی: کانگریس کے رہنما راہل گاندھی اور پارٹی کے دیگر رہنماؤں اور کارکنوں نے یہاں ‘بھارت جوڑو یاترا’ کے دوران گجرات کے موربی قصبے میں پل حادثے میں ہلاک ہونے والوں کی یاد میں دو منٹ کی خاموشی اختیار کی۔ انہوں نے سابق وزیر اعظم اندرا گاندھی کو ان کی برسی پر اور سردار ولبھ بھائی پٹیل کو ان کی یوم پیدائش پر خراج عقیدت پیش کیا۔ کانگریس کے سینئر لیڈر جے رام رمیش نے ایک ٹویٹ میں کہا، “بھارت جوڈو یاترا کے چوتھے دن کا آغاز شاد نگر میں صبح 5.30 بجے ہوا۔ بھارت یاتریوں نے سردار پٹیل اور اندرا گاندھی کو پھول چڑھائے اور پھر گجرات میں موربی برج سانحہ میں ہلاک ہونے والوں کی یاد میں دو منٹ کی خاموشی اختیار کی گجرات کے موربی قصبے میں اتوار کی شام ماچھو ندی پر کیبل پل گرنے سے مرنے والوں کی تعداد 130 سے زیادہ ہو گئی ہے۔ یہ پل تقریباً ایک صدی پرانا تھا اور مرمت اور تزئین و آرائش کے کام کے بعد اسے صرف پانچ روز قبل عوام کے لیے کھول دیا گیا تھا۔ اتوار کی شام تقریباً 6.30 بجے پل ٹوٹ کر نیچے گر گیا۔
