بھوپال، یکم جون (یواین آئی) راہول گاندھی منگل کو بھوپال کا دورہ کریں گے تاکہ مدھیہ پردیش میں ’’سنگٹھن سرجن ابھیان‘‘ شروع کریں۔ وہ دن میں تنظیمی سطح کے مختلف اجلاسوں میں شرکت کریں گے ۔ریاستی کانگریس کے انچارج ہریش چودھری اور ریاستی صدر جیتو پٹواری کی موجودگی میں آج یہاں منعقدہ دیگر سینئر لیڈروں کی میٹنگ میں راہول کے دورہ کو لیکر وسیع بحث ہوئی۔ میٹنگ میں سابق مرکزی وزیر ارون یادو، سابق وزیر کملیشور پٹیل، ایم ایل اے عارف اور دیگر شریک تھے۔
مسعود اور ریاستی کانگریس میڈیا چیف مکیش نائک بھی موجود تھے۔
میٹنگ کے تعلق سے مسٹر پٹواری نے سوشل میڈیا ایکس کے ذریعہ بتایا کہ ریاستی کانگریس کے دفتر میں منعقدہ میٹنگ میں مسٹر گاندھی کی آمد کی تیاریوں کو لے کر تمام سینئر لیڈروں کے ساتھ اہم بات چیت کی گئی۔اس دوران مسٹر مکیش نائک نے یو این آئی کو بتایا کہ سینئر لیڈر مسٹر رہول گاندھی 3 جون کو سنگٹھن سرجن ابھیان شروع کریں گے ۔ وہ دیگر میٹنگوں میں بھی حصہ لیں گے ۔ مسٹر گاندھی کا ‘‘منٹ ٹو منٹ’’ پروگرام ابھی تک جاری نہیں ہوا ہے ۔ کانگریس دسمبر 2003 سے ریاست میں اقتدار سے باہر ہے ۔ نومبر دسمبر 2018 کے اسمبلی انتخابات کے بعد کانگریس اقتدار میں آئی، لیکن اس وقت کی سیاسی پیش رفت کی وجہ سے اس وقت کے وزیر اعلیٰ کمل ناتھ کو صرف پندرہ ماہ بعد مارچ 2020 میں استعفیٰ دینا پڑا اور کانگریس کی حکومت گر گئی۔ اس وقت سینئر لیڈر جیوترادتیہ سندھیا اپنے حمایتی ایم ایل ایز کے ساتھ بھارتیہ جنتا پارٹی (بی جے پی) میں شامل ہو گئے تھے ۔ اس کی وجہ سے بی جے پی دوبارہ اقتدار میں آگئی۔ تب سے بی جے پی مسلسل اقتدار میں ہے ۔
دوسری طرف نومبر دسمبر 2023 کے اسمبلی انتخابات کے بعد مسٹر جیتو پٹواری کو مسٹر کمل ناتھ کی جگہ ریاستی کانگریس صدر کے عہدے کی کمان سونپی گئی۔ تب سے مسٹر پٹواری تنظیم کو مضبوط کرنے کی کوششوں میں مصروف ہیں۔ تنظیم سازی مہم کو بھی اسی سلسلے کی ایک کڑی کے طور پر دیکھا جا رہا ہے ۔ اس کے تحت پارٹی ریاست بھر میں پولنگ اسٹیشن کی سطح پر تنظیمی مضبوطی کے لیے کوششیں کرے گی
