نئی دہلی، 23 مئی (یو این آئی) کانگریس کے سابق صدر اور لوک سبھا میں اپوزیشن لیڈر راہول گاندھی ہفتہ کو جموں و کشمیر کے پونچھ علاقے کا دورہ کریں گے اور وہاں فوجی آپریشن کے دوران پاکستانی گولہ باری کے متاثرین سے ملاقات کریں گے ۔ جمعہ کو یہ اطلاع دیتے ہوئے کانگریس کمیونیکیشن ڈپارٹمنٹ کے انچارج جے رام رمیش نے کہا کہ راہول گاندھی 24 مئی بروز ہفتہ کو جموں و کشمیر کے پونچھ علاقے کے دورے پر ہوں گے اور اس دوران وہ پونچھ علاقے میں پاکستانی گولہ باری کے متاثرین سے ملاقات کریں گے ۔ انہوں نے کہا کہ لوک سبھا میں حزب اختلاف کے لیڈر راہول گاندھی کل 24 مئی کو پونچھ کا دورہ کریں گے ، جہاں وہ پاکستان کی حالیہ گولہ باری سے متاثر ہوئے افراد کے اہل خانہ سے ملاقات کریں گے۔
اس سے قبل، وہ پہلگام دہشت گردانہ حملے میں زخمی ہونے والوں اور کئی دیگر متعلقین سے ملنے کیلئے 25 اپریل کو سری نگر گئے تھے ۔ انہوں نے اس وقت جموں و کشمیر کے لیفٹیننٹ گورنر منوج سنہا اور وزیراعلی عبداللہ سے بھی ملاقات کی تھی۔یاد رہے کہ دس روز قبل ہندو پاک میں ہوئی کشیدگی کے باعث ہندوستان نے یہ دعوی کیا تھا کہ اس نے دہشت گردوں کے اڈے تباہ کردیئے ہیں۔
