جے پور 27جنوری (سیاست ڈاٹ کام ) کانگریس لیڈر راہل گاندھی منگل کے روز راجستھان کی راجدھانی جے پور میں ایک ریلی سے خطاب کریں گے ۔راہول گاندھی صبح گیارہ بجے البرٹ ہال رامنواس باغ میں اس ریلی سے خطاب کریں گے ۔ اس ریلی کو “یووا آکروش ریلی” کا نام دیا گیا ہے ، جس میں بنیادی طور پر نوجوان شرکت ہوں گے ۔نائب وزیر اعلی سچن پائلٹ اور کانگریس ریاستی انچارج اویناش پانڈے نے آج ریلی کی جگہ پر پہنچ کرتیاریوں کا جائزہ لیا۔ اس دوران وزیر صحت ڈاکٹر رگھو شرما بھی موجود تھے ۔وزیر اعلی اشوک گہلوت نے مرکزی حکومت پر الزام لگاتے ہوئے کہا کہ ملک میں بے روزگاری بڑھ رہی ہے اور بڑھتی مہنگائی کے ہم سب شکار ہیں۔ تجارت اور صنعت بحران کا سامنا کر رہے ہیں۔ مرکز میں بی جے پی حکومت کی غلط پالیسیوں کی وجہ سے ملک کی معیشت کی حالت ابتر ہے ۔ نوجوانوں میں مایوسی اور غصہ ہے لیکن مرکزی حکومت ان مسائل پر خاموش ہے اور عام لوگوں کی توجہ ہٹانے کی کوشش کر رہی ہے ۔
