نئی دہلی: کانگریس لیڈر راہول گاندھی نے اتوار کے روز کورونا کی خوفناک صورت حال کے پیش نظر مغربی بنگال میں اپنی تمام ریلیاں منسوخ کر دیں۔ انہوں نے دیگر سیاسی قائدین سے بھی بڑے عوامی جلسوں کے انعقاد پر غور کرنے کا مشورہ دیا ہے۔ راہول گاندھی نے ٹوئٹ کیاکہ کوویڈ کی صورتحال کے پیش نظر میں مغربی بنگال میں اپنی تمام عوامی ریلیوں کو منسوخ کر رہا ہوں۔ میں تمام سیاسی لیڈران کو مشورہ دوں گا کہ موجودہ حالات میں بڑے عوامی اجلاس کے انعقاد کے نتائج پر گہرائی سے غور کریں۔اس سے کچھ دیر قبل راہول گاندھی نے مغربی بنگال میں بڑے پیمانے پر منعقد ہو رہی ریلیوں کے تعلق سے رد عمل کا اظہار کرتے ہوئے ٹوئٹ میں کہا تھا، بیماروں اور متاثرین کی بھی اتنی بھیڑ پہلی بار دیکھی ہے۔
