دبئی ۔ انٹرنیشنل کرکٹ کونسل (آئی سی سی) نے ٹی ٹوئنٹی میں پلیئرز کی رینکنگ جاری کردی۔ٹی ٹوئنٹی فارمیٹ میں پاکستان کے محمد رضوان کا پہلا مقام برقرار ہے، ان کے رینکنگ پوائنٹس 853 سے بڑھ کر 861 ہوگئے۔ہندوستان کے سوریا کمار یادیو کا بھی دوسرا نمبر برقرار ہے جبکہ پاکستان ٹیم کے کپتان بابر اعظم تیسرے نمبر پر موجود ہیں۔ٹی ٹوئنٹی فارمیٹ میں آسٹریلیا کے فاسٹ بولر جوش ہیزل ووڈ کا پہلا اور افغانستان کے اسپنر راشد خان کا دوسرا مقام برقرار ہے۔نئی رینکنگ میں سری لنکا کے وانندو ہسارنگا تیسرے نمبر پر آگئے ہیں جبکہ جنوبی افریقہ کے تبریز شمسی چوتھے نمبر پر چلے گئے۔پاکستان کے فاسٹ بولر حارث رؤف کا 14 اور اسپنر شاداب خان کا 15 واں نمبر ہے۔ آل راؤنڈر رینکنگ میں بنگلادیش کے شکیب الحسن نمبر ون پرآگئے ہیں جبکہ افغانستان کے محمد نبی کا دوسرا نمبر ہے۔
