حیدرآباد۔ غربت کا فائدہ اٹھاکر خواتین اور لڑکیوں کو ملازمت اور روزگار کے نام پر جسم فروشی میں ملوث کرنے والی ٹولی کے ایک رکن کے خلاف پی ڈی ایکٹ نافذ کردیا گیا۔ راچہ کنڈہ پولیس کمشنر نے آج اس سلسلہ میں احکامات جاری کرتے ہوئے 40 سالہ ایم روی عرف سرینو ساکن میر پیٹ کے خلاف پی ڈی ایکٹ نافذ کردیا۔ روی اپنے دیگر ساتھیوں ڈی وینکٹیشور راؤ، شاکیجان خاتون عرف دپیکا، اویناش اور سجاتا کو اینٹی ہیومن ٹرائفیکنگ یونٹ نے ایل بی نگر پولیس کے ساتھ ایک کارروائی میں 16مارچ کو گرفتار کیا تھا جو ریاست مغربی بنگال اور ریاست تلنگانہ کے مختلف مقامات سے نوجوان لڑکیوں کو حاصل کرتے ہوئے جبراً جسم فروشی میں جھونک رہے تھے۔
