کیف : کیف کی پارلیمنٹ نے یوکرین کے خلاف روس کا ساتھ دینے پر ایران پر نئی پابندیاں عائد کرنے کی منظوری دے دی ہیں۔فرانسیسی خبر رساں ادارے اے ایف پی کے مطابق کیئف کا کہنا ہے کہ یوکرین پر حملے سے لے کر اب تک ایران روس کو ہتھیار فراہم کر رہا ہے۔یہ اقدام یوکرینی حکام کی جانب سے اس بیان کے ایک روز بعد سامنے آیا ہے جس میں کہا گیا تھا کہ ’روس حملے کے آغاز سے کیف کے خلاف ایرانی ساختہ ’شاہد ڈرونز‘ استعمال کرتا آ رہا ہے۔یوکرین کی پارلیمنٹ کی ویب سائٹ پر بتایا گیا ہے کہ ’ایران پر پابندیوں کی قرارداد مہذب دنیا کے ان اقدامات سے ہم آہنگ ہے جو ایران کو مکمل تنہائی کے سفر کی جانب لے جا رہے ہیں۔پابندیوں کے پیکیج میں ایران کے ساتھ ’فوجی اور دوہرے استعمال کی اشیاء‘ کے علاوہ ’مالی اور اقتصادی‘ معاملات کو معطل کیا جانا بھی شامل ہے۔اس قرارداد کو حتمی قانون بننے کے لیے صدر زیلنسکی کے دستخط درکار ہیں جو ایک رسمی کارروائی ہے کیونکہ یہ بل انہی کی جانب سے جمع کروایا گیا ہے۔یوکرینی صدر نے پچھلے ہفتے براہ راست ایرانی عوام کو مخاطب کرتے ہوئے کہا تھا کہ ’آپ روس کی دہشت کا ساتھی کیوں بننا چاہتے ہین؟
