میلان۔12 فبروری (سیاست ڈاٹ کام )اٹالین فٹبال لیگ کے میچوں کے دوران جوونٹس کلب کے سوپر اسٹار فٹبالر کرسٹیانو رونالڈو نے شاندار مظاہرہ کیا اور بیسویں گول سے جوونٹس نے مخالف ٹیم ساسولو کو0-3 سے شکست دے کر اپنے پہلے مقام کومضبوط بنا لیا ہے۔اٹلی کے شہر میلان میں کھیلے گئے میچ میں جوونٹس کلب کھیدریا نے 23 ویں منٹ میںری بونڈ پر پہلا گول کرکے ٹیم کو سبقت دلائی۔ سوپر ا سٹار کرسٹیانو رونالڈو کی موجودگی سے مخالف ٹیم پر شدید دباو رہا۔ رونالڈو کے ہیڈرگول نے اسکور کو دگناکر دیا۔ رونالڈو کا ایونٹ میں یہ بیسواں گول تھا۔میچ کے آخری لمحات میں زبردست دباو ڈالتے ہوئے جوونٹس کی ٹیم نے تیسرا گول کر سبقت کو مزید مضبوط کر دیا اور میچ ختم ہونے تک یہی اسکور برقرار رہا۔ 0-3کی اس کامیابی کے بعد جوونٹس کی ٹیم کی اب 63 یعنی گیارہ پوائنٹس کے فرق سے پہلا مقام مزید مستحکم کرلیا ہے۔
