نئی دہلی : انٹرنیشنل کرکٹ کونسل (آئی سی سی) چمپئنز ٹرافی کے لیے مایوس کن مظاہروں کے باوجود کپتان روہت شرما ٹیم میں برقرار رہیں گے۔ تفصیلات کے مطابق چمپئنز ٹرافی میں ویراٹ کوہلی بھی ایکشن میں دکھائی دیں گے جبکہ جسپریت بمرا نائب کپتان ہوں گے لیکن ان کی شمولیت صحت یابی سے مشروط ہے ۔روہت شرما اور ویراٹ کوہلی کا انگلینڈ کے خلاف ونڈے سیریز میں بھی کھیلنے کا امکان ہے۔ بارڈر۔گواسکر ٹرافی 3-1 سے ہارنے کا احتساب ضرور ہو گا تاہم ٹیم میں تبدیلی ممکن نہیں ہے۔ بی سی سی آئی کے عہدیدار نے کہا کہ اس وقت توجہچمپئنز ٹرافی پر ہے، ایک مضبوط ٹیم بنانا اصل مقصد ہے۔انگلینڈ اورہندوستان کے درمیان 5 ٹی ٹوئنٹی میچزکی سیریزکا پہلا میچ 22 جنوری کو کھیلا جائے گا جبکہ 3 ونڈے میچزکی سیریزکا آغاز 6 فروری سے ہو گا۔ انگلینڈ کیخلاف سیریزاورچمپئنز ٹرافی کے لیے ہندوستانی اسکواڈ کا اعلان اگلے چند دنوں میں متوقع ہے۔
