سوپر ہٹ ڈائرکٹر روہت شیٹی بہت منصوبہ بندی سے کام کرتے ہیں جلد ہی وہ اکشے کمار کے مرکزی کردار والی فلم سوریہ ونشی کی شوٹنگ کو لے کر مصروف ہو جائیں گے۔ اس کے بعد سنگھم 3 اور گول مال 5 کی باری ہے۔ ان دنوں وہ اپنے ہوم پروڈکشن کو بھی مصروف کرنے میں لگے ہیں۔ فرح خان کے ڈائرکشن میں ان کی ایک فلم کی شوٹنگ جلد شروع ہو جائے گی۔ اس کا پری پروڈکشن ان دنوں تیار ہو رہا ہے جہاں تک روہت کا سوال ہے وہ ایک رومانٹک فلم بنانا چاہتے ہیں۔ وہ بتاتے ہیں میں لواسٹوری کے ساتھ ہی ٹوٹل فیملی ڈرامہ بنانا چاہتا ہوں جس میں کسی سنجیدہ فیملی کے مسئلہ کو اٹھایا جائے گا جیسے باغبان تھی جہاں تک میری رومانٹک فلم کا سوال ہے تو اس میں صرف ہیرو ہوگا ویلن کوئی نہیں ہوگا۔