انقرہ : جسٹس اینڈ ڈویلپمنٹ پارٹی کے چیئرمین اور صدررجب طیب اردغان نے کہا ہے کہ آپ جو بھی جال بچھا لیں، آپ اگلی صدی کو ترکی کی صدی بننے سے نہیں روک سکیں گے۔اپنی پارٹی کی سامسن توسیعی صوبائی مشاورتی کونسل کے اجلاس میں اپنے خطاب میں صدر اردغان نے کہا کہ وہ عالمی سطح پر درپیش مسائل کے باوجود ترکی کو اس کے 2023 کے اہداف کے ساتھ گلے لگانے اور اسے 2053 کے ویڑن کے ساتھ لانے کے لیے اپنی پوری طاقت کے ساتھ کام کر رہے ہیں۔ .انہوں نے کہا کہ سامسن نے اس سال ترکیہ کے سب سے بڑے ٹیکنالوجی فیسٹیول TEKNOFEST کی میزبانی کی ہے صدر اردغان نے کہا کہ ترکیہ کا کاروباری جذبہ اس سال سامسن میں ظاہر ہوا ہے۔انہوں نے کہا کہ جب وہ اقتدار میں آئے تو مقامی طور پر تیار کردہ اشیاء کی شرح 20 فیصد تھی، اردغان نے اس بات پر زور دیا کہ آج یہ شرح 80 فیصد تک جا پہنچی ہے۔انہوں نے کہا کہ یہاں سامسن ، نجات اور ترقی کے شہر سامسن سے ایک بار پھر آپ کو مخاطب کرتے ہوئے کہہ رہا ہوں آپ چاہے کچھ بھی کر لیں، آپ کامیاب نہیں ہوں گے۔” صدر کا کہنا تھا کہ چاہے جتنے بھی جال بچھائے جائیں، اگلی صدی کو ترکی کی صدی بننے سے روکنا ممکن نہیں ہوگا۔
