حیدرآباد۔ محکمہ موسمیات نے کہا کہ ریاست میں مانسون سرگرم ہے اور خلیج بنگال کے شمال مشرق میں ہوا کے دباو میں کمی کی صورتحال پیدا ہوگئی ہے ۔ ڈائرکٹر موسمیات ڈاکٹر ناگارتنا نے بتایا کہ اس کے اثر سے تلنگانہ اضلاع یادادری بھونگیر ‘ رنگا ریڈی ‘ حیدرآباد ‘ محبو ب نگر ‘ ناگرکرنول ‘ ونپرتی ‘ نارائن پیٹ ‘ گدوال کے کچھ مقامات پر شدید بارش ہوسکتی ہے ۔ اس کے علاوہ ریاست کے تمام اضلاع میں کچھ مقامات پر تیز ہوائیں بھی چل سکتی ہیں جن کی رفتار 30 تا 40 کیلومیٹر فی گھنٹہ کی ہوسکتی ہے ۔ کچھ مقامات پر گرج چمک کا امکان بھی ظاہر کیا گیا ہے ۔ حیدرآباد اور اطراف کے علاقوں میں مطلع عام طور پر ابرآلود رہے گا اور ہلکی سے اوسط بارش ہوسکتی ہے ۔ ہلکی سے اوسط بارش کے درمیان کچھ دیر کیلئے تیز وار شدید بارش کا بھی امکان ظاہر کیا گیا ہے ۔
