حیدرآباد ۔ کوویڈ 19 کے علاج میں استعمال کئے جانے والے ریمیڈیسیور انجکشن کی کالا بازاری میں ملوث دو افراد کو ٹاسک فورس نارتھ زون ٹیم نے گرفتار کرلیا۔ بتایا جاتا ہے کہ 47 ڈی بھونیشور راجو اور اس کی ساتھی مناسا کا کورونا وائرس کے علاج میں استعمال کی جانے والی ادویات کی بلیک مارکٹنگ کررہے تھے۔ پولیس نے بتایا کہ حالانکہ بھونیشور راجو پیشہ سے سیول کنٹراکٹر ہے لیکن آسانی سے روپئے کمانے کیلئے وباء کی ہنگامی صورتحال کا فائدہ اٹھاتے ہوئے ریمیڈیسیور جیسے انجکشنس کی کالا بازاری میں ملوث ہوتے ہوئے روپئے کمارہے تھے۔ ٹاسک فورس نے مذکورہ افراد کے قبضہ سے بھاری مقدار میں انجکشنس اور دیگر اشیاء ضبط کرتے ہوئے انہیں مارکٹ پولیس کے حوالے کردیا۔
