کولکاتہ میں ایک سینئر افسر گورو دت کی مبینہ طور پر خود کشی کے معاملہ کو لے کر مغربی بنگال کی سیاست میں ایک دوسرے پر الزام لگانے کا دور شروع ہو گیا ہے۔ اس معاملہ میں دت کی بیوی کے ساتھ بی جے پی لیڈر موکول رائے سپریم کورٹ کا دروازہ کھٹکھٹانے کی سوچ رہے ہیں۔
سال 1986 بیچ کے آئی پی ایس افسر دت کا 19 فروری کو انتقال ہو گیا تھا۔ سوشل میڈیا پر وائرل ان کے مبینہ خودکشی نوٹ میں انہوں نے اپنے اس قدم کے لئے وزیر اعلی ممتا بنرجی کو ذمہ دار ٹھہرایا ہے۔ دت نے ممتا بنرجی پر انہیں ’لازمی ووٹنگ‘ پر رکھ کر اور 31 دسمبر 2018 کو ریٹائرڈ ہونے کے بعد ان کی بقایا رقم روکنے کا الزام لگایا ہے۔ لازمی ووٹنگ ایک تعزیری کاروائی ہوتی ہے، جس میں افسر کو پوسٹنگ نہیں دی جاتی ہے۔
https://twitter.com/invincibleidea/status/1098552051099992064
بتا دیں کہ گزشتہ منگل 19 فروری کو دت کی بیوی جب سالٹ لیک واقع اپنے گھر پہنچی تو خون سے لتھ پتھ دت کو زمین پر پڑا دیکھا۔ گورو دت نے اپنی کلائیاں کاٹ لی تھی، جس کے بعد انہیں اسپتال لے جایا گیا، جہاں علاج کے دوران ان کی موت ہو گئی۔
اس معاملہ میں بی جے پی لیڈر موکول رائے نے وزیر اعلی ممتا بنرجی کو خودکشی کے لئے اکسانے کے الزام میں گرفتار کرنے اور اس معاملہ کی سی بی آئی سے تحقیقات کرانے کا مطالبہ کیا ہے۔