بولاوایو ۔ زمبابوے نے پاکستان کے خلاف ونڈے اور ٹی ٹوئنٹی اسکواڈ کا اعلان کردیا ہے۔ زمبابوے کرکٹ بورڈ نے پاکستان کے خلاف 15 رکنی ونڈے اور 15 رکنی ٹی ٹوئنٹی اسکواڈ کا اعلان کیا ہے۔ ونڈے اسکواڈ کی قیادت ارون کریگ اور ٹی ٹوئنٹی کی قیادت سکندر رضا کریں گے۔ پاکستان ٹیم آسٹریلیا سے براہ راست زمبابوے جائے گی۔ پاکستان اور زمبابوے کے درمیان تین ونڈے اور تین ٹی ٹوئنٹی میچزکی سیریز کھیلی جائے گی۔ دونوں ٹیموں کے درمیان پہلا ونڈے میچ 24 نومبر کو بولاوایو، دوسرا ون ڈے26 اورآخری میچ 28 نومبرکوکھیلا جائے گا۔ پہلا ٹی ٹوئنٹی میچ یکم دسمبر، دوسرا 3 اور آخری ٹی ٹوئنٹی میچ 5 دسمبر کوکھیلا جائے گا، سیریز کے تمام میچز بولاوایو میں کھیلے جائیں گے۔
