بنگلورو: سدارامیا 5 سال تک کرناٹک کے وزیر اعلیٰ رہیں گے۔ ریاست میں ڈھائی سال کے اقتدار کے معاہدے جیسا کوئی فارمولا نہیں ہے۔ کرناٹک کے کابینی وزیر اور کانگریس ایم ایل اے ایم بی پاٹل نے کہا کہ اگر ایسی کوئی تجویز ہوتی تو پارٹی ہائی کمان اور جنرل سکریٹری کے سی وینوگوپال ریاستی یونٹ کو اس سے آگاہ کرتے۔کرناٹک قانون ساز اسمبلی کے انتخابات کے نتائج 13 مئی کو آئے۔کانگریس نے 224 میں سے 135، بی جے پی نے 66 اور جے ڈی ایس نے 19 سیٹیں جیتیں۔ نتائج آنے کے بعد سی ایم کے عہدے کو لے کر کانگریس میں پانچ دن تک غور و خوض جاری رہا۔سدارامیا اور ڈی کے شیوکمار کے درمیان دعویٰ تھا۔ ہائی کمان نے سدارامیا کا انتخاب کیا۔ سونیا گاندھی نے ڈی کے کو ڈپٹی سی ایم کے لیے راضی کیا۔ بی جے پی تمل ناڈو یونٹ کے صدر انامالائی نے 21 مئی کو دعوی کیا کہ کرناٹک حکومت ایک سال کے اندر گر جائے گی۔
