میونخ: سعودی وزیر خارجہ شہزادہ فیصل بن فرحان سے میونخ سیکیورٹی کانفرنس کے موقع پرامریکی وزیر خارجہ انتونی بلنکن نے ملاقات کی ہے۔ میڈیا کے مطابق دوطرفہ ملاقات میں سعودی عرب اور امریکہ کے مابین سٹراٹیجک اور دوطرفہ تاریخی تعلقات کا جائزہ اور انہیں مزید مستحکم بنانے پر تبادلہ خیال کیا گیا ہے۔ فریقین نے علاقائی و بین الاقوامی امورکے حوالے سے مختلف مسائل اورپیش رفت پربھی تبادلہ خیال کیا جن میں اہم موضوع مشرق وسطی میں سلامتی واستحکام اور خطے میں دونوں دوست ممالک کی جانب سے امن کو فروغ دینے کی کوششیں شامل تھیں۔ملاقات کے دوران یمن اور یمنی عوام کے خلاف حوثی دہشتگردوں کی کارروائیوں کو روکنے کیلئے کی جانے والی مشترکہ کاوشوں میں اضافے کے طریقوں پر بھی تبادلہ خیال بھی کیا گیا ۔ ایرانی جوہری پروگررام اور اس سلسلے میں ہونے والے بین الاقوامی مذاکرات کے علاوہ علاقائی اور بین الاقوامی پیش رفت اور اس بارے میں کی جانے والی کوششوں پربھی تبادلہ خیال کیا ہے۔
