سنا ہے کہ ’’مدھیہ پردیش کانگریس‘‘ میں بھگدڑ مچی ہے :مودی

جھابوا: وزیر اعظم نریندر مودی نے آج مدھیہ پردیش میں اپوزیشن کانگریس کی صورتحال پر تنقید کرتے ہوئے کہا کہ اس پارٹی میں بھگدڑ کی صورتحال ہے ۔ مودی نے قبائلی اکثریتی جھابوا میں قبائلی کانفرنس سے خطاب کیا۔ اس دوران انہوں نے 7.5 ہزار کروڑ روپے کی لاگت والے پروجیکٹوں کا سنگ بنیاد رکھا اور افتتاح کیا۔ یہ اسکیمیں سڑک، ریل، بجلی اور پانی کے شعبوں سے متعلق ہیں۔ اس موقع پر وزیر اعلیٰ ڈاکٹر موہن یادو، ریاستی بھارتیہ جنتا پارٹی (بی جے پی) کے صدر وشنودت شرما اور دیگر عوامی نمائندے موجود تھے ۔