سنبھل (یو پی): 24 نومبر کو سنبھل میں تشدد کے بعد پولیس انتظامیہ نے سخت اقدامات کیے ہیں اور کوٹ ایسٹ کے علاقہ میں واقع شاہی جامع مسجد کے سامنے ایک نئی پوسٹ بنانے کا فیصلہ کیا ہے، جس کے تحت کام اور زمین کی نقشہ سازی شروع ہو گئی ہے۔ ایڈیشنل سپرنٹنڈنٹ آف پولیس شریش چندر نے یہ اطلاع دی۔ سیکورٹی وجوہات کی بنا پر سنبھل میں ایک نئی پولیس چوکی پر تعمیراتی کام کیا جا رہا ہے جہاں 24 گھنٹے پولیس تعینات کی جائے گی۔ 24 نومبر کو شاہی مسجد کے سروے کے دوران پیش آئے تشدد میں 5 افراد ہلاک اور متعدد دیگر زخمی ہوگئے تھے۔
