حیدرآباد ۔ ہندوستان کی خاتون بیڈمنٹن کھلاڑی پْسرلا وینکٹا سندھو نے منگنی کرلی۔ تفصیلات کے مطابق 29 سالہ پْسرلا وینکٹا سندھو نے وینکٹا دتا سائی سے منگنی کی ہے جو کہ آئی ٹی ماہر ہیں اور ان کا تعلق بھی حیدرآباد سے ہے۔ سندھو نے اپنی منگنی کی تصاویر سوشل میڈیا پر بھی شائع کی ہیں جس کے بعد انہیں مبارکباد دینے کا سلسلہ جاری ہے۔ سندھو اور وینکٹا دتا سائی کی شادی کی تقریبات کا آغاز20 دسمبر کو ہوگا جبکہ 22 دسمبرکو ادے پور میں شادی ہوگی۔ سندھو شادی کے کچھ وقت بعد اپنی ٹریننگ کا دوبارہ آغازکریں گی۔ان کے والد نے کہا ہے کہ دونوں خاندان ایک دوسرے سے اچھی طرح واقف ہیں، شادی کا فیصلہ ایک ماہ کے اندر ہوا۔ بیٹی اور ان کے منگیتر نے شادی کی تاریخ کا انتخاب کیا کیونکہ سندھو اگلے سال شروع ہونے والے ایونٹس کی ٹریننگ اور مقابلوں میں مصروف ہو جائیں گی۔
