حیدرآباد: ہندوستان کی ڈبل اولمپک میڈلسٹ پی وی سندھو کی شادی اُن کے منگیتر وینکٹ دتا کے ساتھ راجستھان کے اُودے پور کے ایک ریزاٹ میں گزشتہ شب انجام پائی۔ ریزاٹ میں ایک سو کمروں کے ساتھ تین اہم عمارتیں ہیں۔ مہمانوں کو خصوصی کشتیوں میں شادی کے مقام تک پہنچایا گیا۔ سندھو کے خاندان نے اس شادی میں شرکت کرنے والوں کے لیے خصوصی طور پر فلائٹ ٹکٹ بک کروائے تھے ۔استقبالیہ 24دسمبر کوحیدرآبادمیں ہوگا۔ گزشتہ روز سادہ تقریب رہی۔سنگیت کی رسم 20دسمبر کوہوئی تھی۔ تلگو رسوم و روایات کے مطابق شادی کی تقریب انجام دی گئی۔ شادی کی تقریب میں رشتہ داروں اور قریبی دوستوں نے شرکت کی۔ اس تقریب میں تلگو کے ساتھ راجستھان کی شاہی تہذیب کی جھلک بھی دیکھی گئی۔ شادی میں آئی پی ایل گورننگ کونسل کے رکن چامنڈیشورناتھ، تاجر نماگڈاپرسادبھی شریک ہوئے ۔
