حیدرآباد26فروری(یو این آئی) آندھراپردیش چتور میں سڑک حادثہ میں میڈیکل کے تین طلبا ہلاک ہوگئے ۔یہ حادثہ سٹی پلی کے قریب کل شب پیش آیا جب لاری ڈرائیور نے اس کا توازن کھودیااور یہ لاری،کار سے ٹکراگئی۔حادثہ کا مقام دلخراش منظر پیش کررہاتھا۔اس حادثہ میں کار کو شدید نقصان پہنچا۔ حادثہ اتنا شدید تھا کہ تین طلبا موقع پر ہی ہلاک ہوگئے ۔اطلاع پر پولیس وہاں پہنچی اور کیس درج کرلیا ۔ لاشوں کو پوسٹ مارٹم کے لئے بھیج دیا۔پولیس نے اس مصروف روٹ پر حادثہ کی شکار کار کو ہٹاتے ہوئے ٹریفک کے لئے بحال کیا۔
