دارالامن فنکشن ہال میں مقرر ، جناب عامر علی خاں اور دیگر شخصیتوں کی شرکت
حیدرآباد ۔ 10 ۔ جنوری : ( سیاست نیوز ) : سیاست اور ملت فنڈ کے زیر اہتمام مسلم لڑکوں اور لڑکیوں کے لیے والدین اور سرپرستوں کا 132 واں دو بہ دو ملاقات پروگرام بروز ہفتہ 13 جنوری کو صبح 10 بجے تا 4 بجے شام دارالامن فنکشن پیالیس ، آصف نگر ، مہدی پٹنم روڈ منعقد ہوگا ۔ اس پروگرام میں جناب عامر علی خاں نیوز ایڈیٹر روزنامہ سیاست ، جناب اصغر علی خاں ، جناب عبدالصبور ، جناب عبدالکبیر پروپرائٹرس دارالامن فنکشن پیالیس اور دوسرے شرکت کریں گے ۔ دونوں شہروں میں اب تک منعقدہ پروگرام سے والدین نے استفادہ کر کے رشتہ کے ضمن میں رجسٹریشن کروایا ۔ جو والدین رشتوں کے ضمن میں لڑکے اور لڑکی کی تلاش میں ہوں وہ ضرور اس پروگرام میں شرکت کریں گے جس کے لیے اول انہیں اپنے بائیو ڈاٹا کے ساتھ 1000 روپئے فیس ادا کرتے ہوئے رجسٹریشن کروانا ہوگا اور انہیں کارڈ دیا جائے گا جس کی میعاد ایک سال تک رہے گی ۔ اس کارڈ کی مدد سے والدین دفتر روزنامہ سیاست عابڈز کے احاطہ میں موجود ملت فنڈ کے دفتر پہنچ کر رشتہ تلاش کرسکتے ہیں ۔ پروگرام میں بھی ایس ایس سی ، انٹر میڈیٹ سے لے کر گریجویشن ، پوسٹ گریجویشن ، ٹکنیکل ، حافظ و عالم اور عقد ثانی و تاخیر سے ہونے والے لڑکے اور لڑکیوں کے لیے رشتے رہیں گے ۔ والدین اپنے ساتھ لڑکا ہو یا لڑکی کے ایک سے زائد بائیو ڈاٹاس کی فوٹو کاپی ضرور ساتھ رکھیں تاکہ رجسٹریشن بھی ہوسکے وہیں بالمشافہ اس کی مدد سے بات چیت بھی کی جاسکے ۔ پروگرام میں بھی والدین اور سرپرستوں کے لیے جہاں مختلف کاونٹرس رہیں گے ۔ تعلیمی قابلیت کے لحاظ سے وہیں والدین کو آسانی فراہم کرنے کے لیے تجربہ کار والینٹرس کا انہیں تعاون حاصل رہے گا اور ان والدین کی مدد کے لیے کمپیوٹر سیکشن بھی رہے گا تاکہ وہ اپنے من پسند رشتے تلاش کرسکیں ۔ اس کے علاوہ آن لائن رجسٹریشن کی بھی سہولت رہے گی ۔ پروگرام کو دونوں شہروں اور تلنگانہ کے اضلاع کے علاوہ ملک کی تمام ریاستوں اور بیرونی ممالک امریکہ ، کینڈا ، آفریقہ ، آسٹریلیا ، سعودی عرب ، دوحہ ، قطر ، دوبئی ، ابوظہبی کے ساتھ دیگر ممالک میں مقیم حیدرآبایوں کو رشتوں کے ضمن میں آغاز سے لے کر اختتام تک نشر کی سہولت رہے گی وہیں وہ ویب سائٹ اور فونس کے ذریعہ دنیا بھر سے معلومات بھی حاصل کرسکتے ہیں ۔ پروگرام میں انجینئرنگ کاونٹرس پر انجینئر لڑکے جو ملک ریاست تلنگانہ اور بیرونی ممالک میں روزگار سے لگ کر اچھی خاصی تنخواہیں ، فیملی ویزا اور دوسری مراعات انہیں حاصل ہیں ان کا بھی تعارف پیش کیا جائے گا تب وہ ان کے والدین سے بالمشافہ گفتگو کرسکتے ہیں ۔ والدین و سرپرست اس پروگرام میں ضرور تشریف لائیں اور احتیاطی طور پر اپنے ساتھ سنیٹائیز اور ماسک لگانا نہ بھولیں ۔ جناب سید خالد محی الدین اسد کوآرڈینٹر پروگرام سے فون 7207244144 ۔ 7207524803 ۔ 9848004353 پر ربط کریں ۔۔
