نئی دہلی :دہلی کے سابق ڈپٹی سی ایم منیش سیسوڈیا دہلی کی ایکسائز پالیسی معاملے میں سی بی آئی اور ای ڈی کی جانچ میں ہیں۔ سی بی آئی نے ایکسائز پالیسی معاملے میں راؤس ایونیو کورٹ میں منگل کو ایک ضمنی چارج شیٹ داخل کی ہے۔ چارج شیٹ میں پہلی بار منیش سیسودیا کا نام شامل کیا گیا ہے۔سی بی آئی کی چارج شیٹ میں سیسوڈیا کے علاوہ بوچی بابو، ارجن پانڈے اور امندیپ ڈھال کے نام بھی ہیں۔ فی الحال سیسوڈیا یکم مئی تک عدالتی حراست میں ہیں۔
سیسوڈیا کی اہلیہ سیما شریک دواخانہ
دہلی کے سابق نائب وزیر اعلیٰ منیش سیسوڈیا کی اہلیہ سیما کو شہر کے ایک نجی اسپتال میں داخل کرایا گیا ہے۔ انہیں اندرا پرستھ اپولو اسپتال میں داخل کرایا گیا تھا۔فروری میں ایکسائز پالیسی کیس کے سلسلے میں اے اے پی لیڈر کی گرفتاری کے بعد، دہلی کے وزیر اعلیٰ اروند کجریوال اور ان کے پنجاب کے ہم منصب بھگونت مان نے ان کی اہلیہ سے ملاقات کیلئے سیسوڈیا کی رہائش گاہ گئے اور انہیں پوری حمایت کا یقین دلایا۔
کجریوال نے کہا تھا کہ سیما سیسوڈیا سنگین بیماری میں مبتلا ہیں۔یہ ایک سے زیادہ سکلیروسیس مرض ہے جس میں دماغ آہستہ آہستہ جسم کا کنٹرول کھو دیتا ہے۔ وہ گھر میں اکیلی ہے۔ منیش سیسوڈیا ان کی دیکھ بھال کرتے تھے۔انہوں نے یہ بھی کہا تھا کہ سیسوڈیا کا بیٹابغرض حصول تعلیم بیرون ملک ہے۔
